Myanmar EITI tripartite coalition calarify its 4th report on transparency initiatives

တွင်းထွက်သယံဇာတ တူးဖော်ထုတ်လုပ်သည့်လုပ်ငန်းများ ပွင့်လင်းမြင်သာမှုဖော်ဆောင်ရေး (Extractive Industries Transparency Initiative-MEITI) သည် သဘာဝသယံဇာတများ စီမံအုပ်ချုပ်မှုဆိုင်ရာ ပွင့်လင်းမြင်သာမှု၊ တာဝန်ယူမှုနှင့် တာဝန်ခံမှုဆိုင်ရာတို့ကို တွန်းအားပေးသော နိုင်ငံတကာစံနှုန်းတစ်ရပ်ဇြစ်သည်။ မြန်မာနိုင်ငံအတွက်  တွင်းထွက်သယံဇာတ တူးဖော်ထုတ်လုပ်သည့်လုပ်ငန်းများ ပွင့်လင်းမြင်သာမှုဖော်ဆောင်ရေး (MEITI) လုပ်ငန်းစဉ်များအား ၂၀၁၂ခုနှစ် ဒီဇင်ဘာလ မှစ၍ အကောင်အထည်ဖော်ဆောင်ရွက်ခဲ့ရာ ၂၀၁၄ခုနှစ် ဇူလိုင်လတွင် အဖွဲ့ဝင်လောင်းနိုင်ငံ(EITI Candidate Country) အဆင့်သို့ရောက်ရှိခဲ့ပြီး မြန်မာနိုင်ငံ၏ စတုထ္ထအကြိမ် EITI အစီရင်ခံစာ (၂၀၁၆-၂၀၁၇)ကို မတ် ၃၁ ရက်တွင် ထုတ်ပြန်နိုင်ခဲ့သည်။

စတုထ္ထအကြိမ် MEITI အစီရင်ခံစာပါ အကြောင်းအရာများနှင့်စပ်လျဉ်း၍ ရှင်းလင်းဆွေးနွေးခြင်း အခမ်းအနားကို ၂၀၁၉ခုနှစ်၊ သြဂုတ်လ ၇ ရက်၊ နံနက် ၉နာရီခွဲတွင် နေပြည်တော် အဂတိလိုက်စားမှုတိုက်ဖျက်ရေးကော်မရှင်ရုံး စုပေါင်းခန်းမ၌ ကျင်းပခဲ့သည်။

 

ဆွေးနွေးပွဲသို့ အဂတိလိုက်စားမှုတိုက်ဖျက်ရေးကော်မရှင်ဥက္ကဌ၊ အတွင်းရေးမှုးနှင့် အဖွဲ့ဝင်များ၊ ကော်မရှင်ရုံးဌာနမှ တာဝန်ရှိသူများ၊ မြန်မာနိုင်ငံ EITIညှိနှိုင်းရေးမှုးရုံးမှ တာဝန်ရှိသူများ၊ မြန်မာနိုင်ငံ EITI သုံးပွင့်ဆိုင်ညွန်ပေါင်းအဖွဲ့ ကိုယ်စားလှယ်များ၊ သက်ဆိုင်ရာ ပြည်ထောင်စုအစိုးရဌာန၊ အဖွဲ့အစည်းများမှတာဝန်ရှိသူများ၊ ပုဂ္ဂ္ဂ္ဂလိကကဏ္ဍနှင့် အရပ်ဘက်အဖွဲ့အစည်းများမှ ကိုယ်စားလှယ်များတက်ရောက်ခဲ့ကြသည်။

 

ဆွေးနွေးပွဲတွင် ကော်မရှင်ဥက္ကဌ ဦးအောင်ကြည် မှအဖွင့်အမှာစကား ပြောကြားခဲ့ပြီး “ကော်မရှင်အနေဖြင့် MEITI၏ လုပ်ငန်းရည်ရွယ်ချက်များကို တန်ဖိုးထားကြောင်း၊ ဥပဒေစည်းမျဉ်းစည်းကမ်း လုပ်ထုံးလုပ်နည်း၊ ညွန်ကြားချက်များနှင့် ပြဌာန်းချက်များသည် လက်တွေ့လိုက်နာကျင့်သုံးဖော်ဆောင်မှုများနှင့် ကွာဟချက်ကျယ်ပြန့်စွာရှိနေသည်ကို MEITIမှ နှစ်စဉ်ထောက်ပြလျက်ရှိနေသည်မှာ ယခုအခါ ၂၀၁၆-၂၀၁၇ ကာလအထိ ရောက်ရှိလာခဲ့ပြီဖြစ်ကြောင်း၊ ယခုလိုကွာဟချက်များဖြစ်ပေါ်လာရခြင်းသည် အင်စတီကျုးရှင်းများ၏ စွမ်းဆောင်ရည် ကန့်သက်ချက်ရှိနေခြင်းကြောင့်ဖြစ်နိုင်သလို အဂတိလိုက်စားမှုများကို ကောင်းစွာထိန်းချုပ်နိုင်ခြင်း မရှိသည့်အတွက်ကြောင့်လည်း ဖြစ်နိုင်သည်ကို တာဝန်ရှိသူများက အလေးနက်ထားနိုင်မှသာ အများပြည်သူအကျိုးစီးပွားအတွက် မှန်ကန်ကောင်းမွန်သော ကိုင်တွယ်ဖြေရှင်းနည်းအစစ်အမှန်တစ်ရပ်ကို မိမိတို့ရှာဖွေတွေ့ရှိနိုင်မည်ဖြစ်ပါကြောင်း” ပြောကြားခဲ့သည်။

ဆက်လက်၍ စတုထ္ထအကြိမ် အစီရင်ခံစာအကျဉ်းချုပ်နှင့် အစီရင်ခံစာတွင်ပါဝင်သော ရေနံနှင့် သဘာဝဓာတ်ငွေ့ကဏ္ဍ၊ ကျောက်မျက်၊ ကျောက်စိမ်းကဏ္ဍနှင့် ပုလဲကဏ္ဍများအတွင်း တာဝန်ယူလုပ်ကိုင်ဆောင်ရွက်နေသော ဦးစီးဌာနများ၏ ကွဲလွဲကွာဟချက်များနှင့် အကြောင်းအရင်းများကို သက်ဆိုင်ရာ ဦးစီးဌာနအသီးသီး၏ ကိုယ်စားလှယ်များမှ ကော်မရှင်သို့ရှင်းလင်းတင်ပြခဲ့သည်။

ထို့နောက် မြန်မာနိုင်ငံ EITI သုံးပွင့်ဆိုင်ညွန်ပေါင်းအဖွဲ့ ကိုယ်စားလှယ် စိမ်းလန်းအမိမြေဖွံ့ဖြိုးတိုးတက်ရေးအသင်း ဥက္ကဌ ဦးဝင်းမျိုးသူမှ အဆိုပါကွာခြားချက်များနှင့် စပ်လျဉ်း၍ တွင်းထွက်သယံဇာတ တူးဖော်ထုတ်လုပ်ရောင်းဝယ်ရေး စီမံခန့်ခွဲသည့် နေရာတွင် လက်ရှိပြဌာန်းအသုံးပြုလျက်ရှိသော ပွင့်လင်းမြင်သာစွာဆောင်ရွက်ရေး စံနှုန်းထား လိုအပ်ချက်များအား အဂတိ တိုက်ဖျက်ရေး ကော်မရှင်၏ သယံဇာတထုတ်ယူအသုံးပြုရေး ကဏ္ဍများတွင် အဂတိမြောက်မမြောက် စစ်ဆေး ဆုံးဖြတ်ရာမှာ အခြေခံမူဘောင် အဖြစ်ထားရှိရေး နှင့်  သယံဇာတထုတ်ယူရေးဆိုင်ရာ အစိုးရဌာနများတွင် အဂတိလိုက်စားမှု ဖြစ်ပေါ်နိုင်ချေရှိမရှိ ကြိုတင်ဆန်းစစ်ခြင်းကို ကော်မရှင်နဲ့ အီးအိုင်တီအိုင် သုံးပွင့်ဆိုင်ညွှန်ပေါင်းအဖွဲ့တို့ပူးပေါင်းပြ၍ စနစ်ကြောင့်ဖြစ်ပွားနိုင်ခြေရှိသော အဂတိလိုက်စားမှုများကို တားဆီးရန်နဲ့ လုပ်ထုံးလုပ်နည်း ညွှန်ကြားသတ်မှတ်ချက်တွေကို အပြုသဘောဆောင် ပြုပြင်ပြောင်းလဲသွားရေး” တို့ကို တိုက်တွန်းအကြံပြုခဲ့သည်ဟု သတင်းရရှိပါသည်။

 

0 Comments

Submit a Comment

Your email address will not be published. Required fields are marked *