ဘီလူးချောင်းအတွင်း ကနဦးလေ့လာချက်အရ ဘီလူးချောင်း အောက်ပိုင်းနှင့် အထက်ပိုင်းတွင် ညစ်ညမ်းမှုရှိသော်လည်း မြို့တွင်းဖြတ်စီးလာသော ၃မိုင်အတွင်းမှာ လွန်စွာညစ်ညမ်းမှုများရှိနေသည်။

ရေပုံမှန်စီးဆင်းနေသော ကာလများတွင် ညစ်ညမ်းသောအမှိုက်များနှင့် ရေဆိုးများထွက်ရှိနေသော်လည်း ရေစီးနှင့်အတူပါရှိသွားသောကြောင့် သိပ်မသိသာပေ။ ယခုအခါတွင် ချောင်းမှာ ကန်ရေသဖွယ်ငြိမ်နေသောကြောင့် ညစ်ညမ်းမှုကို သိသိသာသာမြင်တွေ့နေရသည်။ မြို့ရေပေးရေးနှင့် ဘီလူးချောင်း ပတ်ဝန်းကျင်တွင် နေထိုင်ကြသူများအားလုံးသည် ချောင်းရေကိုသာအသုံးပြုနေကြသောကြောင့် လွိုင်ကော်မြို့အတွက် အလွန်အမင်းစိုးရိမ်ရသော အခြေအနေဖြစ်နေပါသည်။ ယခုကဲ့သို့ဆက်လက်ဖြစ်ပေါ်နေမည်ဆိုပါက များမကြာခင်ကာလတွင် ရေနှင့်ပတ်သက်သော ရောဂါများဖြစ်နိုင်သည့်အတွက် စနစ်တကျသုံးသပ်စီမံရမည်ဖြစ်ပါသည်။