စီးပွားဖြစ်သစ်ထုတ်ခြင်း၊ တောင်ယာခုတ်ခြင်းများနှင့် ရေခမ်းခြောက်မှု အန္တရာယ်၊ ကျောက်စုကျေးရွာအုပ်စု၊ မဲစဲမြို့နယ်၊ ကယားပြည်နယ်

မဲစဲမြို့နယ်၊ ကျောက်စုကျေးရွာပတ်ဝန်းကျင်တွင် စီးပွားဖြစ်သစ်ထုတ်ယူခြင်းများ ၊ သယံဇာတ တူးဖော်ခြင်းများ ၊ စက်မှုစီမံကိန်းများ မရှိသော်လည်း တောင်ယာများ နှစ်စဉ် တိုးချဲ့စိုက်ပျိုးရန် သစ်တောများကို ခုတ်ထွင် ရှင်းလင်းကြသောကြောင့် သစ်တော ပြုန်းတီးမှုများ ကြီးမားကျယ်ပြန့် လာပြီး နွေရာသီတွင် ရေတွင်းများမှ ရေများ ခမ်းကာ စိုက်ပျိုးရေးအတွက် ရေမလုံလောက်ဖြစ်နေတယ်လို့ ဒေသခံတစ်ချို့၏ ပြောပြချက်အရ သိရပါတယ်။ ရေမလုံလောက်သဖြင့် သီးနှံများလည်း ရေမဝကာ မဖြစ်ထွန်းကြောင်းနှင့် စားနပ်ရိက္ခာလည်း လုံလောက်မှုမရှိတော့ကြောင်း ဒေသခံတစ်ချို့က ဆိုပါတယ်။