အာရှလမ်းမကြီး စီမံကိန်းကြောင့် ဒေသခံများထိခိုက်၊ သပြုချောင်းကျေးရွာ၊ ထားဝယ်မြို့၊ ထားဝယ်ခရိုင်၊ တနင်္သာရီတိုင်းဒေသကြီး

တနင်္သာတိုင်းဒေသကြီး၊ ထားဝယ်ခရိုင်၊ ထားဝယ်မြို့နယ်၊ ရေဖြူမြို့၊ သဗြုချောင်းကျေးရွာအနီးတွင် ထားဝယ်အထူးစီးပွားရေးဇုန်မှ ထီးခီးနယ်စပ်အထိ ဖောက်လုပ်မည့် အာရှလမ်းပိုင်း အဆင့်မြှင့်တင်ခြင်း စီမံကိန်းမှ ကနဦး လမ်းများ ဖောက်လုပ်နေပါတယ်။ အာရှလမ်းပိုင်း စီမံကိန်းသည် အထူးစီးပွားရေးဇုန်ထိပ် ထားဝယ်မြစ်မှ ထိုင်းနယ်စပ် ထီးခီးအထိ ၁၃၈ ကီလိုမီတာ ((၈၆ မိုင်ဝန်းကျင်) ကို အဆင့်မြှင့်တင်မှာ ဖြစ်ပါတယ်။ လက်ရှိမှာ လမ်းဦးစီးဌာနမှ မြေပြင်တိုင်းတာရေးလုပ်ငန်းများ ဆက်လက် ဆောင်ရွက်နေပါတယ်။ ထိုစီမံကိန်းကို ထိုင်းနိုင်ငံ၏ အိမ်နီးချင်းနိုင်ငံများ စီးပွားရေးဖွံ့ဖြိုးတိုးတက်ရေး ပူးပေါင်းဆောင်ရွက်ရေးအဖွဲ့ (NEDA) ၏ ချေးငွေဖြင့် လုပ်ဆောင်မည့် ယင်းလမ်းပိုင်းတွင် အပိုင်း (၂) ပိုင်း ပါဝင်ပါတယ်။ အထူးစီးပွားရေးဇုန်နယ်စပ်မှ မေတ္ထာမြို့ထိ တစ်ပိုင်းနှင့် မေတ္ထာမြို့မှ ထီးခီးထိ တစ်ပိုင်းဖြစ်တယ်လို့ ဆိုပါတယ်။ ယင်းစီမံကိန်းသည် ၃ နှစ်ကြာမည်ဖြစ်ပြီး ယခု ကနဦးလမ်းများဖောက်လုပ်သဖြင့် ဒေသခံများ၏ ဥယျာဉ်ခြံမြေများပျက်စီးခြင်း၊ ချောင်းရေများ ညစ်ညမ်းခြင်းနှင့် မြေယာပြဿနာများဖြစ်ခြင်းတို့ ကြုံတွေ့နေရကြောင်း ဒေသခံများမှ ဆိုပါတယ်။