ပုံစံ (၇) မရှိ၍ မြေယာများ သိမ်းဆည်းခံရခြင်း နာယန်းကျေးရွာ၊ ကျတီကျေးရွာအုပ်စု၊ မိုင်းဆတ်မြို့နယ်၊ ရှမ်းပြည်နယ် (အရှေ့ပိုင်း)

ဉီးရှဲလောဆိုသူသည် တောင်သူများ လုပ်ကိုင် စားသောက်နေသော စိုက်ပျိုးမြေ ( ၃၀ရ )ဧကကျော်ခန့် ကို အစိုးရထံမှ သူရရှိထားသည်ဟုဆိုကာ ( ၂၀၁၄ ) ခုနှစ်တွင် လုပ်သား ( ၃ဝ )ဦးခန့်ခေါ်ဆောင်လာ၍ ကွန်ကရစ်တိုင်များစိုက်ထူပြီး သံဆူးကြိုးများခတ်ကာ သိမ်း ယူခဲ့ပါသည်။ ပြည်သူများမှ ဥပဒေအကြောင်းနားလည်မှု မရှိခြင်း၊ သက်ဆိုင် ရာဌာနများက ပုံစံ ( ရ ) ပြုလုပ်ပေးမှု မရှိခြင်း နှင့် ဥပဒေ အကာအကွယ်မရရှိခြင်းတို့ကြောင့် ပြန်လည် တောင်းဆိုရန် ခက်ခဲနေပါသည်။ မိမိတို့ စိုက်ပျိုးမြေများကို မူလပိုင်ရှင်များက ပြန်လည်ရယူ လိုကြောင်း၊ အကျိုး သက်ရောက်မှုအနေဖြင့် စိုက်ပျိုးမြေများ ဆုံးရှုံးခြင်းကြောင့် စားနပ်ရိက္ခာဖူလုံမှုမရှိခြင်းနှင့် အလုပ် အကိုင်ရှားပါးလာခြင်းတို့ တွေ့ကြုံခံစားနေရကြောင်း ဒေသခံအဆိုအရ သိရပါသည်။ မူလပိုင်ရှင်များက သိမ်းဆည်းခံလယ်မြေများကို ပြန်လည်ရရှိရန်အတွက် ယခုလက်ရှိ အချိန်အထိ အမှုရင်ဆိုင်နေရဆဲ ဖြစ်တယ်လို့ ဆိုပါတယ်။