ဓါးမဦးချမြေ တရားဝင် အထောက်အထားမရှိသဖြင့် ဆုံးရှုံးနေရ၊ အာရဲကျေးရွာ၊ မိုင်းဆတ်မြို့နယ်၊ ရှမ်းပြည်နယ် (အရှေ့ပိုင်း)

ဒေသခံများ၏ အဆိုအရ ၂၀၀၈ ခုနှစ်မှစတင်၍ ယနေ့အချိန်အထိ သတ္တုတူးဖော်သည့်ကုမ္ပဏီများက သတ္တုတူးဖော်ခြင်း လုပ်ငန်းများ လုပ်ဆောင်ရာတွင် သဘာဝသစ်တောများနှင့် ဉယျာဉ်ခြံမြေများကို ရှင်းလင်း ပစ်သည်ဟု ဆိုပါတယ်။ သက်ဆိုင်ရာဌာနများက လုပ်ကွက်များ ချထားပေးရာတွင် မြေပြင်အခြေအနေကို သိရှိရန် အမှန်တကယ်ကွင်းဆင်းဆောင်ရွက်မှုအား နည်းခြင်း၊ ပြည်သူလူထုနှင့်တိုင်ပင်ညှိုနှိုင်းမှုမရှိဘဲ သတ္တုတူးဖော်ခြင်း၊ ၎င်းအပြင် သတ္တုတူး ဖော်သည့် ကုမ္ပဏီအချို့သည် ဒေသခံများ၏ ဉယျာဉ်ခြံမြေများကို ခြိမ်းခြောက်ပြီး လုပ်ငန်း များ လည်ပတ်ဆောင်ရွက်နေခြင်းတို့ ရှိနေကြောင်း ကြားသိရပါသည်။ အဓိကအားနည်းချက်မှာ သေချာ ကွင်းဆင်းဆောင်ရွက်မှုမရှိဘဲ မြေပုံအရ လုပ်ကိုင်ဆောင်ရွက်ခွင့်ပြုခြင်းပင် ဖြစ်နေသည်ကို တွေ့ရှိခဲ့ပါသည်။

တရားဝင်မြေယာပိုင်ဆိုင်ကြောင်းအထောက်အထားတစ်ခုမှ မပြနိုင်ခြင်း သည်လည်း အဓိကအားနည်းချက် တစ်ရပ်ပင် ဖြစ်ပါသည်။ သို့အတွက်ကြောင့် ကျူးကျော်မှု ကို ခံနေရခြင်းပင် ဖြစ်မည်ဟု ယူဆမိကြောင်း ဒေသခံများက တွေးထင်ထားပါသည်။ သတ္တူတူးဖော်မှုမှ ထွက်ရှိလာသည့် ဘေးထွက် ဆိုးကျိုးများကြောင့် လယ်ယာ ဉယျာဉ်ခြံများနှင့် စိုက်ခင်းများ ပျက်စီးခြင်းအပြင် စိုက်ပျိုးမြေများပါ စိုက်ပျိုးရန် သင့်တော်သည့်အနေအထားတွင် ရှိမနေသည်ကို တွေ့ရှိခဲ့ရပါသည်။ သို့အတွက်ကြောင့် ဒေသခံများနှင့် ကုမ္ပဏီတို့အကြားတွင် လက်ရှိအချိန်အထိ အမှုရင်ဆိုင်ဖြေရှင်း နေရဆဲပင် ဖြစ်ပါသည်။ အဓိက လိုအပ်ချက်အနေဖြင့် သတ္တုတူးဖော်ခြင်းကို ရပ်ဆိုင်းထားပေး ရန်၊ ဥပဒေ၏ အကာအကွယ်ကို အပြည့်အဝရရှိရန် နှင့် ပျက်စီးသွားသည့် လယ်ယာ၊ ဥယျာဉ် ခြံစိုက်ခင်းများအတွက် ထိုက်တန်သည့် နစ်နာကြေးရရှိရန်တို့ပင် ဖြစ်ပါကြောင်း ဒေသခံများက ဆိုပါသည်။