မြေယာဈေးကွက်မက်လုံးနှင့် မြေဆုံးရှုံးမှုများ၊ ဖာဖဲကျေးရွာ၊ ဆန့်ကန်ကျေးရွာအုပ်စု၊ မိုင်းဆတ်မြို့နယ်၊ ရှမ်းပြည်နယ် (အရှေ့ပိုင်း)

မိုင်းဆတ်မြို့နယ်၊ ဆန်ကန်ကျေးရွာအုပ်စု၊ ဖာဖဲကျေးရွာတွင် ၁၉၉၉ -၂၀၀ဝ ခုနှစ်ခန့်၌ စီးပွား ရေးလုပ်ငန်းရှင် များက လယ်မြေ၊ ဉယျာဉ်ခြံမြေနှင့် တောင်ယာမြေများကို ဈေးနိမ်ဝယ်ယူရာတွင် ဒေသခံများက မသိရှိသဖြင့် ၎င်းတို့၏ မြေယာများကို ဈေးပေါပေါဖြင့် ရောင်းချစွန့်လွှတ် ခဲ့ရပါသည်။ စီးပွားရေး လုပ်ငန်းရှင်များသည် ခဲမဖြူကို စီးပွားဖြစ် ထုတ်လုပ်လာကြပြီး ရာဘာစိုက်ခင်းများကိုလည်း စိုက် ပျိုးလာကြသည်ကို တွေ့ရှိခဲ့ပါသည်။ အခြေအနေ အရပ်ရပ်ကြောင့် လုပ်ငန်းရှင်များနှင့် အဖွဲ့အစည်းများ၏ လုပ်ဆောင် ချက်များအား သက်ဆိုင်ရာ ဌာနဆိုင်ရာများအနေဖြင့် လျစ်လျှုရှုခဲ့ရပါသည်။ အ ကျိုးဆက်အနေဖြင့် စိုက်ပျိုးမြေ၊ စားကျက်မြေများ လျော့နည်းလာခြင်း၊ ရွာသူ / သားများ၏ စားဝတ်နေရေး ခက်ခဲလာခြင်းနှင့်အတူ ဆင်းရဲမွဲတေမှုများလည်း တစ်နေ့တစ်ခြား များပြား လာသည်ကို တွေ့ရှိခဲ့ရတယ်လို့ ဆိုကြပါတယ်။ အဖက်ဖက်က အားနည်းနေသည့် ပြည်သူများအနေဖြင့် မည်သို့မျှ ဆောင်ရွက်နိုင်ခြင်း မရှိသည့်အတွက်ကြောင့် မြေယာများကို စွန့်လွှတ်ပေးခဲ့ရကြောင်း ဒေသခံများက ဆိုပါသည်။ သို့အတွက်ကြောင့် ဒေသခံ ပြည်သူများ၏ အသိပညာများ ယခုထက်ပိုမို၍ ကျယ်ပြန့်လာစေ ရန်၊ ဥပဒေ၊ လုပ်ထုံးလုပ်နည်းများကိုလည်း နားလည်ရန် လိုအပ်လာသည်မှာ အမှန်တကယ် ပင် ဖြစ်ပေတော့သည်။ ဌာနေတိုင်းရင်းသားများ၏ ရပိုင်ခွင့်နှင့် အခွင့်အရေးကို သက်ဆိုင်ရာ မှ အပြည့်အဝ ကာကွယ်ပေးရန်မှာလည်း အရေးတကြီး လိုအပ်လှပေသည်။