စိုက်ပျိုးမြေချဲ့ထွင်ခြင်းနှင့် သတ္တုတူးဖော်မှုများကြောင့် ပတ်ဝန်းကျင်ယိုယွင်းကာ သီးနှံအထွက်နှုန်း လျော့ကျ၊ နောင်ယားဆိုင်ကျေးရွာ၊ ဟိုပန်ကျေးရွာအုပ်စု၊ မိုင်းတုံမြို့နယ်၊ ရှမ်းပြည်နယ် (အရှေ့ပိုင်း)

ရှမ်းပြည်နယ် (အရှေ့ပိုင်း)၊ မိုင်းတုံမြို့နယ်၊ ဟိုပန်ကျေးရွာအုပ်စု၊ နောင်ယားဆိုင်းကျေးရွာသည် ၂၀၁ဝ ခုနှစ်နောက်ပိုင်းမှစ၍ ယခုလက်ရှိအချိန်အထိ သစ် တောထွက်ပစ္စည်းများ ကို စနစ်တကျ ထုတ်ယူသုံးစွဲမှုမရှိခြင်း၊ စိုက်ပျိုးမြေများ တိုးချဲ့လာခြင်း နှင့် ဓာတ်သတ္တုများတူးဖော်ဆောင်ရွက်ခြင်းလုပ်ငန်းများကြောင့် သဘာဝပတ်ဝန်းကျင်သည် တစ်စတစ်စ ယိုယွင်း ပျက်စီးလာသည်ကို တွေ့ရှိခဲ့ရပါသည်။ ထိုသို့ လုပ် ဆောင်ခဲ့မှုများကြောင့် ရာသီဥတုဖောက်ပြန်လာပြီး သဘာဝပတ်ဝန်းကျင်ပျက်စီးလာကာ စိုက်ပျိုးသီးနှံအထွက်နှုံး များလည်း တစ်နှစ်ထက်တစ်နှစ်လျော့နည်းလာခဲ့ပြီး စားဝတ်နေရေးအခက်အခဲဖြစ်နေတယ်လို့ ဒေသခံများက ဆိုပါတယ်။ ၎င်းကိစ္စ များကို ဖြေရှင်းဆောင်ရွက်ရန် သက်ဆိုင်ရာမှသော်လည်းကောင်း၊ ဒေသခံများ ကိုယ်တိုင်မှသော်လည်းကောင်း မည်သည်ကိုမျှ စီမံဆောင်ရွက်နေခြင်းမရှိသေးကြောင်း စိတ်မကောင်းစွာ တွေ့ရှိခဲ့ရပါသည်။