စစ်ပွဲကြောင့် ပြောင်းရွှေ့နေထိုင်နေသည့် နေရာအား ရွာမြေအဖြစ် တရားဝင်သတ်မှတ်ပေးရေး တောင်းဆို၊ နောင်အန်းကျေးရွာ၊ ချောင်းချက်ကျေးရွာအုပ်စု၊ ကျောက်မဲမြို့၊ ရှမ်းပြည်နယ် (မြောက်ပိုင်း)

ရှမ်းပြည်နယ်(မြောက်ပိုင်း)၊ ကျောက်မဲမြို့နယ်၊ ချောင်းချက်ကျေးရွာအုပ်စု၊ နောင်အန်းကျေးရွာသည် ၁၉၇ဝ ခုနှစ်တွင် စစ်ပွဲပဋိပက္ခများကြောင့်ယခင်ရွာဟောင်းမှတစ်မိုင်ခန့်ကွာဝေးသည့်ပြည်ထောင်စုလမ်းမကြီးဘေးသို့ရွှေ့ပြောင်းနေထိုင်ခဲ့ကြရပါတယ်။ ယခုနေထိုင်နေသည့်ရွာမြေနေရာသည်လက်ရှိ တွင်သစ်တောဦးစီးဌာနမှစီမံခန့်ခွဲခွင့်ရှိသည့်သိမ်လုံသစ်တောကြိုးဝိုင်းနယ်နိမိတ်ထဲတွင်ပါ ဝင်နေပါတယ်။ ထို့ကြောင့်ကျေးရွာသူ၊ကျေးရွာသားများအနေဖြင့်တရားဝင်စာထွက်ထားခြင်းမရှိသေးသော်လည်းသက်ဆိုင်ရာမှ ရထားလမ်းစီမံကိန်းစတင်လာလျှင်ရွာလုံးကျွတ်ပြောင်းရွှေ့ပေးရန်ပြောကြားလာသည့်အတွက်ရွာသားများအနေဖြင့်စိုးရိမ်ပူပန်မှုများရှိနေခြင်းကြောင့် လည်းကောင်း လက်ရှိသစ်တောကြိုးဝိုင်းနေရာတွင်လည်းသစ်ပင်များပေါက်ရောက်နေခြင်း မရှိသည့်အတွက် လည်းကောင်း လက်ရှိကျေးရွာနေရာကို ရွာပိုင်မြေအဖြစ်သတ်မှတ်ပေး စေလိုကြပါတယ်လို့ ၎င်းတို့ပြောပြချက်အရ သိရပါတယ်။