လျှပ်စစ်မီးမရသောကြောင့် ထင်းသာသုံးရသဖြင့် သစ်တောများ ပြုန်းတီးနေ၊ မိုင်းယန်းကျေးရွာ၊ သိန္နီမြို့နယ်၊ ရှမ်းပြည်နယ် (မြောက်ပိုင်း)

ရှမ်းပြည်နယ်မြောက်ပိုင်း၊ သိန္နီမြို့နယ်၊ မိုင်းယန်းကျေးရွာတွင် လျှပ်စစ်မီးမရသဖြင့် ချက်ပြုတ်ရေးအတွက် ထင်းကိုသာ သုံးရသောကြောင့် သစ်တောများ ပြုန်းတီးနေ၊ ကျေးရွာသားများမှ သက်ဆိုင်ရာသို့တင်ပြထားသော်လည်း လူထုအားဖြင့် မီးတိုင်၊ မီးကြိုးဖိုးများ မစိုက်ထုတ်နိုင်ဖြစ်နေတယ်လို့ ကျေးရွာသားများမှ ဆိုပါတယ်။

ရှမ်းပြည်နယ်မြောက်ပိုင်း၊ သိန္နီမြို့နယ်၊ မိုင်းယန်းကျေးရွာတွင်လျှပ်စစ်မီးမရရှိသည့်အတွက် ကျေးရွာသူ၊ကျေးရွာသားများသည် ဆိုလာမီးနှင့်ဘက္ထရီမီးများကိုသာ အားထားနေရပါသည်။ ချက်ပြုတ်ရာတွင်ထင်းကိုသာ အဓိကထား သုံးစွဲနေရခြင်းကြောင့် သစ်တောများပြုန်းတီးမှုများ ရှိနေပါတယ်။

ထို့ကြောင့် မိုင်းယန်းကျေးရွာတွင် လျှပ်စစ်မီးရရှိစေရန်အတွက်ကျေးရွာအုပ်ချုပ်ရေးမှူးမှမြို့နယ်အုပ်ချုပ်ရေးမှူးသို့လည်းကောင်း၊လွှတ်တော်အမတ်များထံသို့လည်းကောင်းတင်ပြဆွေးနွေးထားပါ ကြောင်း ဒေသခံများ အဆိုအရ သိရပါတယ်။

သို့သော်လည်း မိုင်းယန်း ကျေးရွာသည်မြို့နှင့်ဝေးကွာသောကြောင့်ကျေးရွာလူထု အင်အားဖြင့် မီးတိုင်၊မီးကြိုး၊ကြွေသီး၊ ထရန်စဖော်မာစသည့် ပစ္စည်းများအတွက် ကုန်ကျစရိတ်မတတ်နိုင်သည့် အခက်အခဲများရှိနေပါတယ်လို့ တင်ပြသူများမှ ဆိုပါသည်။