မိုးသီးမုန်တိုင်းကျကာ နေအိမ်များ ပြိုကျမှုဖြစ်ပွား၊ ပန်စောက်မိန်းကျေးရွာ၊ သီပေါမြို့နယ်၊ ရှမ်းပြည်နယ်မြောက်ပိုင်း

ရှမ်းပြည်နယ်မြောက်ပိုင်း၊ သီပေါမြို့နယ်၊ ပန်စောက်မိန်းကျေးရွာတွင် ၁လပိုင်း ၂၀၂ဝခုနှစ်က မိုးသီမုန်တိုင်းများကျကာ နေအိမ်များ ပြိုကျခဲ့ကြောင်း ဒေသခံများက ဆိုပါတယ်။

သီပေါမြို့နယ်၊ပန်စောက်မိန်းကျေးရွာတွင်(၁.၁.၂၀၂၀)နေ့ည(၉:၁၅)နာရီ၌အချိန်ခါမဟုတ်လေပြင်းမုန်တိုင်းနှင့်အတူမိုးသီးကြီးများကြွေကျခဲ့တယ်လို့ သိရပါတယ်။ ထိုလေပြင်းမုန်တိုင်းကြောင့်သီပေါမြို့နယ်အတွင်းရှိ အချို့ကျေးရွာများတွင်နေအိမ်များပြိုကျပျက်စီးမှုများရှိခဲ့ တယ်လို့ဆိုပါတယ်။

ရောဂါအခံရှိသူ ကျေးရွာသား တစ်ယောက်မှာ နေအိမ်ပြိုကျမှုကို မျက်ဝါးထင်ထင်တွေ့ရသဖြင့် ရုတ်တရက်လဲကျ သေဆုံးခဲ့ပါတယ်။ သီပေါမြို့နယ်မှ အခြားကျေးရွာများတွင် ထိုသို့ဆုံးရှုံးနစ်နာမှုများရှိလာပါကအခြားပြင်ပထောက်ပံ့မှုများရရှိခဲ့ပါသော်လည်း ပန်စောက်မိန်း ကျေးရွာတွင်မူ မည်သည့်ကူညီထောက်ပံ့မှုမှလက်ခံရရှိခဲ့ခြင်းမျိုးမရှိခဲ့ပါ။

ကျေးရွာအုပ်ချုပ်ရေးမှူးမှလည်း သက်ဆိုင်ရာသို့ တင်ပြတောင်းဆိုပေးခြင်း မရှိခဲ့ဟု သိရပါတယ်။ ထိုသို့ဖြစ်ရခြင်းမှာကျေးရွာအုပ်ချုပ်ရေးမှူး၏ စီမံခန့်ခွဲမှုညံ့ဖျင်းခြင်းကြောင့်ဖြစ်တယ်လို့ ရွာသူရွာသားများက ဆိုပါတယ်။