ဒေါနတောင်တန်းတစ်လျှောက်ကုမ္ပဏီနှင့် ဒေသခံအချို့ သစ်ထုတ်မှုများကြောင့် ဒေသခံများ၏ တောင်ယာနှင့် စားကျက်မြေများရှားပါးလာ၊ လှိုင်းဘွဲ့၊ ကရင်ပြည်နယ်

ဒေါနတောင်တန်း၏ တောင်ပေါ်နှင့်တောင်အောက်များတွင် ၂၀၁ဝ ခုနှစ်မှစတင်၍ ကုမ္ပဏီနှင့် ဒေသခံအချို့မှ သစ်ထုတ်လုပ်ခြင်းများကြောင့် ဒေသခံကျေးရွာသားများ လုပ်ကိုင် စားသောက် လာသော တောင်ယာလုပ်ကိုင်သည့် မြေနေရာနှင့် စားကျက်မြေများရှားပါးလာပြီး ဒေသခံများ၏ စားဝတ်နေရေးအခက်အခဲများကြုံတွေ့နေရတယ်လို့ ဆိုပါတယ်။ ထို့ပြင်သစ်တောများ ပြုန်းတီးခြင်းကြောင့် ရာသီဥတုဖောက်ပြန်မှုများပိုမိုကြုံတွေ့လာရကာ ရေရှားပါးမှုများ၊ ချောင်းများတိမ်ကောမှုများနှင့် ချောင်းများအတွင်းရှိ ငါးရှားပါးမှုများ၊ ကားလမ်းဖောက်ခြင်းများကြောင့်မြေများပြိုကျကာ လယ်ကွင်းများထဲသို့ မြေများရောက်ရှိလာခြင်းကြောင့်လည်း မြေဆီမြေနှစ်ဆုံးရှုံးမှုများဖြစ်ပေါ်လာပြီး စိုက်ပျိုးရေးအထွက်နှုန်းကျဆင်း နေတယ်လို့ ဒေသခံများက ဆိုပါသည်။ ကျေးရွာတွင် သစ်တောပြန်းတီးမှုအား ကာကွယ်နိုင်ရန် အစီအမံများချမှတ်ထားခြင်း မရှိသေးသော်လည်း လက်ရှိအချိန်မှစတင်၍ ဒေသခံကျေးရွာသူ၊ သားများမှ အရပ်ဘက်အဖွဲ့အစည်းများ၊ ပတ်ဝန်းကျင်ထိန်းသိမ်းစောင့်ရှောက်ရေးအဖွဲ့များနှင့်ချိတ်ဆက်ကာ သဘာဝထိန်းသိမ်းရေး ပညာပေး လုပ်ဆောင်ဆောင်ရွက်ရန် စီစဉ်နေတယ်လို့ ပြောဆိုကြပါတယ်။