ထင်းလောင်စာနှင့် ရေအရင်းအမြစ်များ ရှားပါးလာခြင်း၊ နဘူးတံခွန်တိုင် ကျေးရွာ၊ ကော့ကရိတ်မြို့နယ်

ကရင်ပြည်နယ်၊ ကော့ကရိတ်မြို့နယ်၊ နဘူးတံခွန်တိုင်ကျေးရွာတွင် ရေအရင်းအမြစ်များ ရှားပါးခြင်းနှင့် သစ်တောများမှ ထင်းလောင်စာ ရယူရန် ခွင့်ပြုမိန့် မရသဖြင့် လောင်စာခက်ခဲခြင်းတို့ ကြုံတွေ့နေရတယ်လို့ ဆိုပါတယ်။

ကော့ကရိတ်မြို့နယ်၊ နဘူးတံခွန်တိုင်ကျေးရွာတွင် စပါးထွက်နှုန်းလျော့နည်းခြင်း၊ ထင်းလောင်စာ ရရှိရန် ခက်ခဲခြင်း၊ ရေအရင်းအမြစ်များ ရှားပါးလာခြင်း၊ လျှပ်စစ်မီးမရရှိခြင်း၊ ကျေးရွာတွင်း လမ်ပန်းဆက်သွယ်ရေးများ ခက်ခဲခြင်း စသည့်အခက်အခဲ ပြသနာများရှိနေတယ်လို့ဆိုပါတယ်။ တော်သလင်းလများတွင် စပါးအသီးမအောင်ခြင်း မြေခြောက်ကွဲအက်ခြင်း၊ စပါးပင်ခြောက်သွားခြင်း များ ဖြစ်နေပါတယ်။ မိုးရာသီတွင်ပင် မိုးရေရရှိမှုနည်းပါးခြင်း၊ ရေသွင်းစိုက်ပျိုးရန်အတွက် အခက်အခဲရှိခြင်း၊ ရေစုပ်တင်ရန်လည်း ငွေမတတ်နိုင်ခြင်းများလည်း ဖြစ်နေပါတယ်။

ထိုသို့ထွက်နှုန်းများကျခြင်း ကြောင့် ငွေကြေးအခက်အခဲများဖြစ်လာပြီး လူနေမှုဘဝ နိမ့်ပါးလာကာ သားသမီးများ ပညာရေး ထိခိုက်မှုများ ရှိနေတယ်လို့ ဆိုပါ်တယ်။ နဘူးတံခွန်တိုင်ကျေးရွာနှင့် ပတ်ဝန်းကျင်တွင် ထင်း(လောင်စာ)ရရှိမှု ခက်ခဲခြင်း၊ ထင်း(လောင်စာ) ရှာရန်ခွင့်ပြုမိန့်မရခြင်း၊ မီးသွေးဈေးနှုန်းကြီးမြင့်ခြင်း များကြုံတွေ့နေရပါတယ်။ ရွာသူရွာသားများ၊ ဘာသာရေးဆရာတော်များ၊ လက်နက်ကိုင်အဖွဲ့အစည်းများက ထိန်းချုပ်ထားသောကြောင့် ဖြစ်တယ်လို့ ဆိုပါတယ်။ ဆရာတော် ကြီးများ၊ အဖွဲ့အစည်းများ၏ ဘေးမဲ့ကြိုးဝိုင်းသတ်မှတ်ချက်များ၊ လက်နက်ကိုင်များ၏ ထိန်းချုပ်မှုများ၊ ခြံပိုင်ရှင်များ၏ ထိန်းချုပ်မှုများ စသည်တို့ကြောင့် ထင်းလောင်စာအခက်အခဲများ ဖြစ်နေတယ်လို့ ဒေသခံများ အဆိုအရ သိရပါတယ်။