ကရင်ပြည်နယ်၊ မြဝတီမြို့နယ်၊ ထီးဝါပလောကျေးရွာတစ်ဝိုက် သစ်တောများပြုန်းပြီး မြစ်ချောင်းများ တိမ်ကောလာ

မြဝတီမြို့နယ်၊ ထီးဝါပလောကျေးရွာ အနီးတဝိုက်တွင် လွန်ခဲ့သော နှစ်အနည်းငယ်မှစ၍ သစ်တောများပြုန်းတီးကာ မြစ်ချောင်းများတိမ်ကောသည့် ပြဿနာများ ဖြစ်ပေါ်လျှက်ရှိပြီး အကြောင်းအရင်းမှာ အသက်မွေးဝမ်းကြောင်းအတွက် တောများခုတ်ခြင်း၊ သစ်ထုတ်ရောင်းချခြင်း တို့ကြောင့်ဖြစ်ပါတယ်။

ကရင်ပြည်နယ်၊ မြဝတီမြို့နယ်၊ ထီးဝါပလောကျေးရွာနှင့် ကော့ကော်ကျေးရွာ အနီးတဝိုက်တွင် သစ်တောများ ပြုန်းတီးခြင်း၊ မြစ်ချောင်းများတိမ်ကောခြင်း၊ ရွာချင်းဆက်လမ်းများ ပျက်စီးခြင်း စသည့် ပြသနာများ ဖြစ်ပေါ်လျှက်ရှိပါသည်။ သစ်တောများ ပြုန်းတီးရခြင်းမှာ အသက်မွေးဝမ်းကြောင်းအတွက် တောများခုတ်၍ တောင်ယာများပြုလုပ်ခြင်း၊ သစ်ထုတ်လုပ်ရောင်းချခြင်း စသည်တို့ကြောင့်ဖြစ်တယ်လို့ ဆိုပါတယ်။

သစ်တောများပျက်စီးခြင်းကြောင့် ရာသီဥတုဖောက်ပြန်ခြင်း၊ ရေရှားပါးခြင်း တို့ကို ကြုံတွေ့ခံစားနေရပါတယ်လို့ ဒေသခံများက ပြောပါတယ်။ ထို့အပြင် မြစ်ချောင်းများလည်း တိမ်ကောလာပါတယ်။ လွန်ခဲ့သော ၁ဝ နှစ်ခန့်မှစ၍ ရေများရှားပါး လာတယ်လို့ သိရပါတယ်။ အရင်က ၂လ ပိုင်းလောက်ဆို ရေများဒူးခေါင်းအထိ ရှိသော်လည်း ယခုအခါ ခြေမျက်စိမျှသာရှိတော့ကြောင်းနှင့် အဓိကအကြောင်းမှာ သစ်တောများပြုန်းတီးခြင်းကြောင့် ဖြစ်တယ်လို့ ဒေသခံများ၏ အဆိုအရ သိရပါတယ်။

ထို့အပြင် ကျေးရွာချင်းဆက်လမ်းများမှာလည်း ကောင်းမွန်မှု မရှိတော့ပါ။ ၂၀၁၈ခုနှစ် မိုးတွင်း ကာလမှစ၍ မြဝတီမြို့နယ်၊ ထီးဝါပလောကျေးရွာနှင့် ဇရပ်ဖြူကုန်းကျေးရွာတို့ ရွာချင်းဆက်လမ်းများ ပျက်စီးလာပါတယ်။ ၂၀၁၈ ခုနှစ် မိုတွင်း တွင် ရေကြီး၍ လမ်းများနှင့် တံတားများပျက်စီးခဲ့ရတယ်လို့ ဆိုပါတယ်။ ထို့ကြောင့် ပညာရေး၊ ကျန်းမာရေး၊ စီးပွားရေးများ နှောင့်နှေးရပြီး လွှတ်တော်ကိုယ်စားလှယ်များနှင့် ကျေးလက်ဦးစီးဌာနသို့ တင်ပြထားကြောင်း၊ အကူအညီများ အမြန်ဆုံးရလိုကြောင်း ဒေသခံများက ပြောပါတယ်။