တရားမဝင် သစ်ထုတ်ယူမှုနှင့် မီးသွေးဖုတ်မှုများကြောင့် ရေခမ်းခြောက်ခြင်းနှင့်သီးနှံများ မဖြစ်ထွန်းခြင်းတို့ကြုံနေရ၊ သံတောင်ကြီးမြို့နယ်၊ လိပ်သိုမြို့၊ ကရင်ပြည်နယ်

ကရင်ပြည်နယ်၊ သံတောင်ကြီးမြို့နယ်၊ လိပ်သိုမြို့၊ ကျမိုင်းအုပ်စု၊ ပိန်းသီလာကျေးရွာ တွင် သစ်ခုတ်လှဲထုတ်ယူခြင်းနှင့် မီးသွေးဖုတ်ခြင်းတို့ကြောင့် လွန်ခဲ့သော (၅) နှစ်ခန့်မှစ၍ သစ်တောများပြုန်းတီးခြင်း၊ ရာသီဥတုပြောင်းလဲကာ သီးနှံများ ဆုတ်ယုတ်ပြီး စားဝတ်နေရေး မပြေလည်ခြင်းနှင့် ချောင်း၊ မြောင်း၊ အင်း၊ အိုင်များ ခန်းခြောက်လာခြင်းတို့ ကြုံတွေ့နေရပါတယ်။

ကရင်ပြည်နယ်၊ သံတောင်ကြီးမြို့နယ်၊ လိပ်သိုမြို့၊ ကျမိုင်းအုပ်စု၊ ပိန်းသီလာကျေးရွာတွင် သစ်ခုတ်လှဲရောင်းချမှုနှင့် မီးသွေးဖုတ်မှုများလာပြီး သစ်တောများပြုန်းတီးခြင်း၊ ရာသီဥတုပြောင်းလဲမှုကြောင့် သီးနှံများ မဖြစ်ထွန်းခြင်း၊ ရေအရင်းအမြစ်များ ခမ်းခြောက်ခြင်းတို့ ကြုံတွေ့နေရတယ်လို့ ဆိုပါတယ်။

စားဝတ်နေရေးမပြေလည်မှုများကြောင့် သစ်များ ခွဲစိတ်ရောင်းချသုံးယူမှုများလည်း များပြားနေပြီး မီးသွေးဖုတ်ခြင်းကိုလည်း လုပ်ကိုင်ကြတယ်လို့ သိရပါတယ်။ သဘာဝသစ်တောများ ပြုန်းတီးမှုကြောင့် ချောင်း၊ မြောင်း၊ အင်း၊ အိုင်များ ခန်းခြောက်လာခြင်း၊ ရာသီဥတုများဖောက်ပြန်ပြောင်းလဲခြင်း စသည့်ဆိုးကျိုးများ ခံစားနေရပါတယ်လို့ ဆိုပါတယ်။

လက်ရှိခုတ်ယူ ခွဲစိတ်နေသော သစ်များ ဆက်လက်မခုတ်ယူနိုင်ရန် သက်ဆိုင်ရာ တာဝန်ရှိသူများ အနေဖြင့် အသိပညာပေးမှုလုပ်ဆောင်ပါက ဒေသခံပြည်သူများအနေဖြင့် ဝိုင်းဝန်းပူးပေါင်းဆောင်ရွက် လာနိုင်ခြေရှိတယ်လို့ ဆိုပြန်ပါတယ်။