သစ်ထုတ်လုပ်မှုများကြောင့် တောင်ပြို၊ ရေကြီးကာ နေအိမ်များ ရေမြုပ် မြေပိ၊ မာရ်အောင်ကျေးရွာ၊ ရေးမြို့နယ်

ရေးမြို့နယ်၊ မန်အောင်ကျေးရွာ နှင့် ကိုးမိုင်ကျေးရွာ ရှိ ကျေးရွာသူ၊ ကျေးရွာသားများသည် မိမိတို့စားဝတ်နေရေးအတွက် မိရိုးဖလာအရ သစ်ထုတ်လုပ်ငန်းကို လုပ်ကိုင်ပါတယ်။ ထိုသစ်ထုတ်မှုများ ကြောင့် သစ်တောများပြုန်းတီးပြီး မိုးများချိန်တွင် တောင်ကျချောင်းရေများကြောင့် ကျေးရွာတစ်ရွာလုံး ရေမြုပ်ခံရခြင်း၊ နုံးမြေပို့ချမှုကြောင့် ချောင်းများတိမ်ကောလာခြင်းတို့ကို ကြုံတွေ့နေရတယ်လို့ ဒေသခံများက ဆိုပါတယ်။ ကျေးရွာတစ်ရွာလုံးရေနစ်မြုပ်ခြင်းများ၊ အိုးအိမ်များ၊ လုပ်ကိုင်စားသောက်သည့် လယ်မြေ၊ ဥယျာဉ်ခြံများ ပျက်စီးဆုံးရှုံး မှုများလည်း ကြုံတွေ့နေရပါတယ်။ ကျေးရွာသူ၊ ကျေးရွာသားများအနေဖြင့် သစ်ထုတ်လုပ်မှု လျှော့ချပြီး သစ်ပင်များပြန်လည်စိုက်ပျိုးရန်နှင့် ရေနုတ်မြောင်း များတူးဖော်ရန် ကြိုးစားနေကြပြီး သက်ဆိုင်ရာအစိုးရဌာနများအနေဖြင့် အလုပ်အကိုင် အခွင့်အလမ်း များရရှိရန် ဖန်တီးပေးစေလိုနေကြပါတယ်။