လေယာဉ်ကွင်း စီမံကိန်းနှင့် ဆိပ်ကမ်းသစ် တည်ဆောက်ခြင်း လုပ်ငန်း အတွက် လယ်မြေများ သိမ်းဆည်းခြင်းကြောင့် စိုက်ပျိုးမြေဆုံးရှုံးမှုများ၊ မုဒုံမြို့နယ်၊ မွန်ပြည်နယ်

မုဒုံမြို့တွင် လေယာဉ်ကွင်းဆောင်မည်ဆိုပြီး ဒေသခံများ၏ မြေနေရာများ၊ ရာဘာစိုက်ခင်းများ၊ ဥယျာဉ်ခြံမြေများကို သိမ်းဆည်းသည်များရှိကြောင်း၊ လေယာဉ်ကွင်းစီမံကိန်းကြောင့် မြေသိမ်း ယာသိမ်း မှုတွေ ဖြစ်နေတယ် အခုလောလောဆယ်တော့ တိုင်စိုက်တဲ့ အဆင့်ဖြစ်နေတယ်၊ လျော်ကြေးတော့ မပေးသေးဘူး၊ လျော်ကြေးပေးမယ်ဆိုရင် လျော်ကြေးနှင့်သီးနှံဆုံးရှုံးခ လယ်တစ်ဧကကို (၄၃) သိန်း ပေးမယ်လို့ ပြောသံကြားတယ်။ အစိုးရ ဘက်က အိမ်သိမ်း ခြံသိမ်းတာက ညောင်တုန်းဘက်က ရွာတွေမှာရှိတယ် လယ်သိမ်းတာက ဘဲရမ်းဘက်မှာ ရှိတယ် အင်တာဗျူး မယ်ဆိုတော့ ဒေသခံတွေက ဗျူးမခံရဲဘူး ရွာသားတွေက ဖမ်းခံ ရမှာကြောက်တယ် မုဒုံမှာတော့ လောလော ဆယ် ဂယက် ထနေတယ်။ လေယာဉ်ကွင်း ဂယက်က လယ်မြေတွေ နေရာမှာဖြစ်နေတော့ စိုက်ပျိုးမြေဧက တွေဆုံးရှုံးမယ် ဆန်စပါး ကိုဘယ်ကနေ သွင်းကုန်ယူကြမလဲ ဒေသခံတွေ စိတ်ပူနေကြတယ်။ မော်လမြိုင်မှာ ဆက်လုပ်မယ်ဆိုတဲ့ ရေနစ်ဆိပ်ကမ်း အသစ်ကလည်း ကော့ပရာဘက်က ရေလမ်းကြောင်းပြောင်း သွားမယ် ရေတိုက်စားမှုတွေဖြစ်မယ်ဆိုရင် ‌ဒေသခံတွေဘဲ ခံရမယ် လေယာဉ်ကွင်းကလည်း အဲ့ဘက်မှာလုပ်မယ်လို့ ပြောနေတယ် မုဒုံအနေနဲ့ ဒီစီမံကိန်း ၂ခုအကြားမှာ ဘယ်လောက် ထိခံနိုင် ရည်ရှိမလဲ ကျွန်မတို့ အဖွဲ့တွေအနေနဲ့ စိတ်ပူနေတယ်။