ရှမ်းပြည်နယ်မြောက်ပိုင်း၊ လားရှိူးမြို့နယ်၊ မိုင်းကျိုင်းကျေးရွာ နယ်နိမိတ်အတွင်း ရှမ်းရိုးမ အေးချမ်းရေးကုမ္ပဏီမှ ဧက၆၀၀၀ ကျော် ကျောက်မီးသွေး၊ ကျောက်ထုတ်ရန်နှင့်ဘိလပ်မြေစက်ရုံတည်ဆောက်မည်ဆိုသော စီမံကိန်းကြောင့်ရပ်ရွာမှအသုံးပြု ကာကွယ်ထိန်းသိမ်းနေသော သဘာဝ ရေထွက်ဦးနှင့် ရေထွက်ဦး သစ်တောကိုထိခိုက်မည့်ကိစ္စ

ကျမတို့ မိုင်းကျိုင်းရွာ အနေနဲ့ စီမံကိန်းက ကျောက်မီးသွေးဘဲတူးတူး ကျောက်ထုတ်ပြီး ဘိလပ်မြေစက်ရုံဘဲတည်တည် ကျမတို့ လက်မခံနိုင်ပါဘူး၊ ကျမတို့လယ်မြေ ဧက (၂၀၀) ကျော်ကို ရေသွင်းစိုက်ပျိုးနေတဲ့ ရေထွက်ဦးနှင့် ဓလေ့ထုံးတမ်းအရထိန်းထားတဲ့ တောတွေကို အထိအခိုက်မခံနိုင်ပါဘူး။ ဒီလို လွယ်လွယ်သိမ်းနေမယ်ဆိုရင် ကျမတို့ရွာအပြင် ဒီရေထွက်ဦးကို အမှီပြုနေတဲ့ စိုက််ပျိုးရေးလုပ်ငန်းတွေ အားလုံးဆုံးရှုံး သွားမယ်ဆိုရင် စားဝတ်နေရေးအတွက် ပိုမိုခက်ခဲလာမှာမို့ ရတဲ့နည်းနဲ့ ကန့်ကွက်သွားမှာပါ။ ဒီရေထွက်ဦးအပါအဝင် ကျမတို့ ရိုးရာဓလေ့ထုံးတမ်းအရ ပိုင်ဆိုင်တဲ့ စိုက်ပျိုးနေတဲ့မြေကို ဌာနဆိုင်ရာက မြေလွတ်မြေလပ်မြေရိုင်း ဖြစ်တယ် အစိုးက စီမံခန့်ခွဲပိုင်ခွင့်ရှိတယ်ဆိုပြီး မတရားစီမံပြီး စီမံကိန်းလုပ်ငန်းတွေကို ပေးလိုက်မယ်ဆိုရင်တောင် နောက်ဆုံး အထိ ကျမတို့ သဘောတူမှာ မဟုတ်ပါဘူး။