အထက်ရဲရွာ ရေအားလျှပ်စစ် စီမံကိန်းကြောင့် သီပေါမြို့နယ်၊ တာလုံကျေးရွာတွင် တစ်ရွာလုံးရေလွှမ်းမိုးခံရမည်ဖြစ်ပြီး၊ ကျေးရွာတစ်ခုလုံး ရွှေ့ပြောင်းပေးရမည်ဖြစ်သည်

အထက်ရဲရွာ ရေအားလျှပ်စစ် စီမံကိန်းသာ အကောင်အထည်ဖော်ခဲ့ရင် ကျမတို့ တာလုံရွာက ရေမြုပ်ဧရိယာအတွင်းပါဝင်ပြီး တစ်ရွာလုံး အတိဒုက္ခရောက်မယ်ရှင့်။ တစ်ရွာလုံးဆို အိမ်ထောင် စု(၁၃၇)ခုနှင့် လူဦးရေ (၄၀၀)နီးပါးအားလုံး ဘယ်မှာ ဘာသွားလုပ်ကိုင် စားသောက်ရမှန်းတောင် မသိတော့ဘူး၊ ကျမတို့တင်မကဘူး ဘော်ကြိုနဲ့ နမ့်လန်လည်း ရေနစ်ကွင်း မှာပါတော့ သူတို့ရွာက အိမ်ထောင်စုတွေရောဆို နစ်နာသူတွေ အများကြီးဘဲ။ ကျမတို့ရွာက နမ့်မတူချောင်း ဘေးရွာဖြစ်လို့ သဘာဝ မြေဆီမြေနှစ်အတိုင်း စိုက်ပျိုး စားသောက်ကြတယ်။ ဓါတ်မြေသြဇာမသုံးဘဲ ကဗ္ဗလာသီး၊ ကျွဲကောသီး၊ လိမ္မော်သီး၊ သံပုရာသီးစိုက်ပျိုးကြပြီး မိသားစု အနည်းငယ်သာ ရေလုပ်ငန်းနှင့် အသက်မွေးဝမ်း ကြောင်းပြုကြတယ်။ သိန်းရာဂဏန်းဝင်ငွေရှိတဲ့ စိုက်ပျိုးရေး ခြံပိုင်ရှင်တွေရှိကြတယ်၊ ဥပမာ (၈)ဧက ခြံပိုင်ရှင် တစ်ဦးက တစ်နှစ်ဝင်ငွေ သိန်း(၃၀၀)ကျော် ရှိတယ်၊ သဘာဝ ဟင်းသီး/ရွက်တွေလည်း စိုက်ပျိုးထုတ်လုပ်ရောင်းချကြတော့ အဆင်ပြေကြတယ် ဒါပေမဲ့ အခုတော့ တရုတ်ကုမ္ပဏီ တစ်ခု လုပ်ငန်းခွင်နေရာမှာ ရှိနေတော့ တစ်နေ့မှ စိတ်ချမ်းသာမှု မရကြဘူး အားလုံးစိတ်ဆင်းရဲကြီးစွာနဲ့ နေနေရ တယ်။